| Definición: | Considéranse situacións de emerxencia social aquelas que orixinen gastos extraordinarios para cubrir necesidades específicas de carácter básico e urxente, tales como: 1. Gastos imprescindibles para o uso da vivenda habitual, entendendo por tales todos aqueles necesarios para conserva-lo dereito de uso dela. 2. Gastos imprescindibles para o mantemento da habitabilidade ou accesibilidade da vivenda habitual, incluíndose neles os de reforma e adecuación básica, mantemento imprescindible e adaptación ás propias circunstancias físicas do usuario. 3. Gastos destinados a dota-la vivenda do equipamento mobiliario básico. 4. Gastos destinados a cubrir, con carácter urxente, necesidades primarias: alimentación, vestido, atención sanitaria, instrucción e outras de natureza análoga, non cubertas polos diferentes sistemas de protección social. 5. Gastos destinados ó traslado de vivenda, no caso dos beneficiarios da renda de integración social de Galicia, cando así se propoña no correspondente proxecto de inserción. - [xunta] |
