Repsol YPF

Ata agora as persoas preocupadas por manter unha cute perfecta ou un corpo escultural, víanse obrigadas a quitarlle tempo a outras actividades diarias para poder compaxinar os tratamentos de beleza. De feito, moitos destes individuos, a maioría mulleres, terminaban anulando os tratamentos pola falta de tempo.

Ante as terapias cunha aparatoloxía máis sofisticada, os profesionais optaron por ofrecer tratamentos de menor duración, aínda que coa mesma efectividade, que lles permiten aos clientes coidar o seu físico e continuar coa súa rutina diaria, sen que iso implique unha alteración do seu ritmo de vida. 

A hora da comida imponse como o momento perfecto para estes métodos que, ademais de rexenerar a pel e mantela en bo estado, axudan os usuarios a relaxarse antes de retomar a xornada laboral. De feito, os especialistas recomendan a aromaterapia como método para reducir o estrés, grazas ao efecto relaxante que proporciona para aliviar a tensión diaria, calmando os nervios e o sentimento antidepresivo.

O ‘lunch time’ permite realizar manicuras exprés, masaxes rápidos, maquillaxes con efecto flash ou peelings químicos anti-idade, de forma áxil e barata. Ademais, é fundamental acudir a centros especializados con profesionais de prestixio que che orientarán en todo momento. É o caso do centroLe Petit Salon, en Madrid, que propón unha masaxe exprés de trinta minutos para combater as dores de costas e contracturas ocasionadas por malos hábitos posturais; ou o Le Club, tamén na capital, que ofrece unha manicura spa con aceites esenciais, sementes de uva e extractos de regalicia, en media hora.

O máis novo

As últimas tendencias en tratamentos corporais resultan do máis innovadoras, grazas á rapidez da súa aplicación e dos  seus resultados. Para a zona dos glúteos, os expertos recorren ao método da radiofrecuencia e do baleiro pola succión, combinado con electroestimulación para apurar a drenaxe linfática e a erradicación de graxa acumulada. No caso da graxa abdominal, emprégase o ultrasón para terminar con ela de forma natural. 

É por iso que os sistemas láser, de radiofrecuencia e succión ao baleiro están causando furor, combinados con masaxes de drenaxe linfática para evitar novas acumulacións de graxa. Estas novas propostas axudan a aforrar tempo e diñeiro, ademais de asumir menores riscos en comparación coas alternativas cirúrxicas.

Coñece a túa pel

Á hora de realizar un tratamento facial, é imprescindible saber distinguir os catro tipos xenéricos da pel: normais, secas, graxas e mixtas. As primeiras caracterízanse por un ph equilibrado —que non presenta ningunha alteración—. Neste caso, a pel é elástica, lisa, de aspecto limpo, fina e cun lixeiro brillo natural. 

A pel seca é máis fina e mate e, a miúdo, acostuma estar recuberta de finas escamas desprendidas. No polo oposto atópase a pel graxa, onde os orificios pilosebáceos están dilatados, as súas glándulas sebáceas teñen máis volume, o fluído sebáceo aumenta e a miúdo lle dá un aspecto brillante á pel. Este tipo de peles son máis resistentes. Por último estaría a pel mixta, que presenta diferentes síntomas dependendo de cada parte; a máis graxa acostuma ser as correspondente á zona ‘T’ (fronte, nariz e queixo) e a máis seca, a situada nos laterais do rostro.

Aínda así, non esquezas que, ademais dun tratamento de beleza axeitado a cada tipo de pel, a correcta alimentación e a relaxación mental son esenciais á hora de manter un rostro firme e con bo aspecto. 

Articles relacionats:

- Canaliza as túas emocións e previrás enfermidades

- O poder das rosas