Repsol YPF

Os produtos naturais son menos agresivos e permiten aproveitar todas as súas propiedades en cremas e locións, diferentes en función das necesidades da túa pel. Aínda así, asegúrate ben antes de usar calquera produto, por moi natural que sexa, de que non es alérxica a ningún dos seus compoñentes. Para conseguir o efecto desexado, antes de aplicarte a máscara, limpa a túa pel de impurezas e déixaa ben seca. Agarda uns quince minutos ata que o produto actúe e retírao con auga tibia. O momento ideal para realizar este ritual de beleza é pola noite, antes de ir durmir, para evitar a exposición á luz solar. O resultado? Unha pel máis sa e esteticamente máis fermosa.

Produtos naturais

O cogombro é un dos mellores remedios naturais para a túa pel, xa que é moi rico en auga, aceites naturais e vitamina E. Suaviza e hidrata, recuperando a textura resentida pola acción dos radicais libres ou as agresións ambientais, como o frío. Polas súas propiedades adstrinxentes, resulta ideal para as peles graxas, así como para mellorar problemas como o acne ou as espiñas, e para suavizar manchas ou pencas. Podes preparar unha máscara mesturando dúas culleradas de polpa de cogombro cunha pequena de avea e engadindo unha cullerada de aceite de soia. Ou ben, podes colocar o cogombro en rodas sobre as túas pálpebras para desinchar os ollos cansados, aliviar avermellamentos ou reducir as olleiras, aproveitando así o seu efecto relaxante. 

O aguacate, moi rico en vitaminas D e E, actúa como un excelente bálsamo.É moi útil para tratar problemas como eccemas, dermatite, escamas ou manchas. Para as peles secas resulta ideal polo seu contido en graxas vexetais. Das sementes deste froito extráese o aceite que xunto coa polpa se aproveita para elaborar cremas e máscaras para o rostro. Só precisas a polpa dun aguacate moi maduro; machúcaa e mestúraa cunha cullerada de aceite de oliva. Deixa que actúe durante media hora antes de ir durmir, e xa verás como notas a pel moito máis suave.

A caléndula exerce unha acción antiséptica e cicatrizante. Rexera a pel danada e por iso se usa en tratamentos curandeiros de queimaduras, úlceras, inflamacións, picaduras de insectos, golpes, rabuñadas ou morados. Para elaborar unha crema de caléndula só tes que derreter nunha tixola vaselina pura e manteiga sen graxa ata que quede unha pasta suave; despois mestúraa con 100 gramos de follas e flores previamente trituradas e déixaa arrefriar. Consérvaa nun frasco ata un prazo de tres meses, xa que a manteiga se descompón e non convén aplicala despois dese tempo.

Protección e hidratación caseiras

Para as peles delicadas, a cenoria convértese no gran aliado polo seu poder antioxidante contra o envellecemento e as liñas de expresión. O seu contido en provitamina A e carotenos axuda a manter a pel protexida e hidratada. Para preparar la máscara, deixa toda a noite unha cenoria en remollo e, ao día seguinte, engade un cuarto vaso de leite, mestúrao e cóao. Obterás un remedio caseiro para combater a pel castigada polo paso do tempo ou de tipo graxo, xa que mellora problemas como os granitos ou incluso as antiestéticas estrías.

Existen outros produtos naturais que axudan a mellorar o aspecto da túa pel. O berro é humectante e tonificante, polo que é moi útil contra a sequidade da cute e as engurras. A avena integral, con propiedades desinfectantes e protectoras, pode actuar como un excelente exfoliante para eliminar as células mortas. Para limpar e tonificar a pel tamén podes recorrer á polpa de papaia. E contra os puntos negros, elabora unha máscara con iogur natural, unhas gotas de vinagre natural e un chorriño de limón. Os remedios caseiros a base destes ingredientes son unha solución natural, cómoda e económica para coidar a túa pel.

Artigos relacionados:

- Herba dos cantores e tisana, perfectas para mellorar a afonía

- Consellos para a túa pel e cabelos