Aínda que de maneira normal coa menstruación poden
aparecer molestias leves e aínda que cada muller pode
experimentar os síntomas dun xeito diferente, cando as
menstruacións van acompañadas de dor intensa na
parte inferior do abdome, fálase de dismenorrea.
Na
dismenorrea a dor pode ser aguda, xorda ou intermitente,
e mesmo irradiar ás pernas e ó lombo. Pódese
iniciar durante a menstruación ou xusto antes (un
día ou horas antes) e pode acompañarse doutros
síntomas como náuseas, vómitos, diarrea,
dor de cabeza ou fatiga xeneralizada. A intensidade do
dor varía, e nos casos severos pode chegar a limitar
ou impedir a actividade normal e obrigar ó repouso.
A dismenorrea é bastante frecuente, aparece aproximadamente
na metade das mulleres en idade fértil, é
especialmente común en adolescentes e diminúe
posteriormente coa idade, sen que isto garde relación
con ter fillos. Na maioría dos casos a dor está
producida polas contraccións do útero durante
a fase menstrual sen que exista ningún outro motivo
e, malia a intensidade das molestias, non causa complicacións.
Non obstante, noutras ocasións menos frecuentes,
a dor é consecuencia dalgún problema xinecolóxico
concreto (endometriose, infeccións etc.), que deberá
ser identificado e tratado.
¿Cómo
se trata?
O primeiro paso do tratamento intenta aliviar a dor con medicamentos
antinflamatorios (ibuprofeno, naproxeno, etc). Non convén
esperar a que a dor sexa moi intensa para iniciar a toma, senón
que comezará a tomarse cos primeiros síntomas
e mesmo antes do comenzo do sangrado.
Nalgúns casos concretos pode estar indicado o uso de
anticonceptivos orais para o tratamento da dismenorrea.
En calquera caso evitarase a automedicación xa que será
o médico quen estableza o tratamento adaptándoo
a cada muller. Ademais, a adecuada exploración e valoración
da paciente será especialmente necesaria cando se sospeitase
que poidan existir trastornos ou anormalidades responsables
da dor menstrual, que ó seren tratadas solucionarán
a dismenorrea secundaria.
Outros
consellos e medidas xerais que poden resultar de utilidade
son:
- Reducir o consumo de sal e de cafeína (café,
colas, etc) antes e durante a menstruación pode ser
eficaz nalgunhas mulleres.
- As duchas e baños quentes poden ser aconsellables,
tanto polo o seu efecto relaxante como pola posible melloría
das molestias coa calor.
- A dismenorrea é máis frecuente en mulleres
fumadoras, polo cal este é un motivo máis para
evitar o consumo de tabaco.
- Coa prevención de enfermidades de transmisión
sexual elimínanse as dismenorreas secundarias a este
tipo de infeccións.
Situacións
de especial precaución:
• Dolor más severo de lo habitual o que no se
calma con el tratamiento prescrito, especialmente si interfiere
con las actividades cotidianas, o si va acompañado
de síntomas nuevos como fiebre, sangrado intenso, etc.
Se se indicou un analxésico/antiinflamatorio
tómeo o antes posible ó notar os primeiros
síntomas, xa que se se retrasa a súa toma
pode ser máis difícil controlar a dor.
ESTAS MEDIDAS SON RECOMENDACIÓNS XERAIS. NON
DUBIDE EN CONSULTAR CO SEU MÉDICO. EL PODERÁ
MODIFICALAS E AXUSTALAS ÁS SUAS CONDICIÓNS
CONCRETAS.
