____ | ____ |
FRAS. Alá vaias, Marzo marceiro, que aquí me quedo cos meus becerros; agora virá teu irmán Abril, que non sei se nos deixará vivir. A Marzo gabo cando non recacha o rabo. A que en Marzo velou, tarde acordou. Cando en Marzo chove, i en Abril xía, quédase Maio feito unha criba. Cando hai auga e sol en Marzo, aparella as cubas e o mazo. Cando Marzo abrilea, Abril marcea. Cando Marzo maiea, Maio marcea. Cando Marzo recacha o rabo, sabe ben quentarse co tallo. Cando Marzo retorce o rabo, non deixa ovella nin pastor sano. Cóbregas en Marzo, neves en Abril. Chuvia en Marzo, nin o mexo de un gato. Dixo o pastor a Marzo: "mal trataches ó meu gando; alá irás onde non volvas máis". E Marzo lle respondeu: "con tres días que me quedan, e tres que me empreste meu irmán Abril, poreiche as tuas ovellas a parir". En Marzo, abrigo e pantrigo. En Marzo auga que non molle o rabo do gato. En Marzo, cada pingueira quita un carto; i en Abril, cada pingueira dá mil. En Marzo, espigarzo. En Marzo frolecen tódolos campos. En Marzo, nazo; en Abril estou no cubil; en Maio, xa saio; en San Xoan xa fuxo ó can; en Santa Mariña xa pillo a galiña, i en Agosto xa son bo raposo. En Marzo nin o rabo do gato mollado. En Marzo, o garabanzal, nin nado, nin por sementar. En Marzo, o trigo, nin por sementar, nin nado. En Marzo, podar e cavar, se queres colleitar. En Marzo, quema ben a vella o tallo. En Marzo saca a cabeza o lagarto; i en Abril acaba de sair. En Marzo sai a herba, anque lle dean cun mazo. En Marzo, se podas un cardo, naceranche catro; i en Abril, se cortas catro naceránche mil. Entre Marzo e Abril sai o cuco do cubil, que coa neve non quer vir. Entre Marzo e Abril, se non vèn o cuco, quer vir a fin. Marzo amola, e Abril esfola. Marzo é a porta, e Abril trai a chave, se está posta. Marzo é enganador; un día malo e outro pior. Marzo espigarzo. Marzo, espigas catro; Abril, espigas mil. Marzo iguarzo. Marzo louco, e Abril non pouco. Marzo marceador, de noite chove e de día fai sol. Marzo marceiro, pola mañán cara de can, e pola tarde é falangueiro. Marzo, marzadas: vento, frío, sol e sarabiadas. Marzo marzado, cada ovella co seu año. Marzo marzán, cara de rosas pola mañán, e pola noite cara de can. Marzo marzola, trebón e raiola. Marzo marzolas, treboadas e raiolas. Marzo marzoso, pola mañán cara de porco, pola serán cara de vran. Marzo pardo, Abril chuvioso e Maio ventoso, fan o ano fermoso. Marzo pardo, pouco sol e malo. Marzo pardo; San Xoan, craro. Marzo prado, siñal de bo ano. Marzo ventoso, Abril chuvioso e Maio pardo, fan fermoso o ano. Marzo ventoso e Abril chuvioso, sacan a Maio frorido e fermoso. Nin Marzo con frores, nin moza sin amores. No Marzo, abrigo; na eira pantrigo. O sol de Marzo queima as donas no seu pazo. Por Marzo, a cava; por Marzo, a poda; por Marzo vólvese a viña toda. Polo San Matías, Marzo ós cinco días. Se en Marzo ou Abril o cuco non vèn, quer vir a fin. Se Marzo recacha o rabo, non queda ovella nin año. Se Marzo retorce o rabo, non queda ovella no monte nin no campo. Se por Marzo canta a ran, no Maio xa calará. Tardes de Marzo, recolle o teu gando. |