____ | ____ |
FRAS. Antes quero mercar, que rogar. Ben a entende aquel que merca e vende. En mercar e vender non hai amigos. Ide mercar á feira, veredes como vos vai nela. Máis val mercar que andar a rogar. Merca barato e vende caro, verás como creces de contado. Merca casa feita, e terra onde nace a herba. Merca de quen herdou e non merques de quen mercou, que xa sabe o que custou. Merca na casa e vende na feira. Merca na feira e vende na casa. Merca na praza e vende na casa. Merca na praza e vende na tua casa. Merca o que non has mester, e venderás o que non poidas deixar de ter. Merca por arrobas, e vende, se podes, por onzas. Merca que vendas, se queres ganar. Mercar a alforxas e vender a onzas. Mercar ben sempre foi riqueza. Mercar caro non é franqueza, nin cousa que se lle pareza. Mercar na feira e vender na casa, sempre foi segura ganancia. Mercar, pagando; e vender non fiando. Mercar tres sardiñas e vender cinco fritidas. Non merques de quen mercou; merca de quen herdou, que non sabe o que custou. Non merques ó conecido nin ó fiado, que sairás trompicado. Non se debe mercar o que non se poida pagar. O coiro i o queixo, mercalo ó peso. O que merca con diñeiro que non é seu, non diga que mercou, senón que vendeu. O que merca e fía; non mercará leiras nin viñas. O que merca e minte, a bulsa llo sinte. Quen merca ruín pano, merca duas veces no ano. Quen merca por xunto mantense de balde, se tèn boa chave. Quen merca sin ter, vende sen querer. Que te merque quen non te conoza. Se mercas o que non has mester, venderás o que has mester. |