| ____ | ____ |
En última instancia, procede do persa tarkaš, composto por tīr "frecha"; a forma peninsular (da que o testemuño máis antigo por agora é o esp. carcax 1250-80) debe vir do fr. ant. carcais 1213 (mod. carquois), tomado na época das cruzadas do baixo gr. karkásion, resultante dun cruce do baixo gr. tarkásion, de orixe persa, co gr. karkhésion "vaso de beber, máis ancho na boca ca na parte media" (DCECH s.v. carcaj). No port. documéntase no XVII (DELP s.v. carcás), polo que a forma do texto parece se-la forma máis antiga en gal. e port., se ben hai que ter en conta que a documentación máis antiga, que aparece, como dixemos, no romance castelán, foi empregada por Afonso X. Os diccionarios galegos modernos propoñen o sinónimo alxaba, ignorando a existencia desta forma medieval (VOLGa). |
