____ | |
Der. de gozo, do lat. gaudĭum "pracer, gozo, contento", der. de gaudere "gozar". Trátase dun castelanismo, coa evolución normal neste idioma: -dj- > -z-, tralo elemento consonántico no que termina o ditongo au. En gal. testemúñase goyo, con evolución semellante a outros grupos con iode (estrayo, testimoyo...), pero este resultado é estraño, pois debería ser *gouço, coma audio > ouço (atéstase gouçoso en Cr. Troyana); quizais teña que ver na evolución o feito de ser palabra da Igrexa (vid. máis referencias en Lorenzo Crónica s.v. goyo). Gozar testemúñase na Gal. Estoria (Lorenzo Cronologia s.v.). O paso de lat. au > gal. o, no canto de ou, en casos como o citado foi obxecto dun estudio que inclúe unha revisión das posturas adoptadas en torno ó tema ata o momento, por parte de Veiga Oír e mais Veiga Ditongos. |