| Definición: | Órgano visceral impar e asimétrico, localizado na parte superior do abdome, debaixo da cúpula dereita do diafragma, prolongándose cara á esquerda no pigastrio e baixo da cúpula esquerda do diafragma. Trátase da maior das vísceras do organismo, pesando entre 1,5 e 2 kg nos adultos. Posúe catro lobos, que só son visibles
conxuntamente na cara inferior, onde se localiza o hilo hepático, no que se atopan a vea porta, a arteria hepática e as vías biliares, estando a vesícula biliar localizada nun ensachamento do suco anteroposterior dereito. A cara superior está dividida polo ligamento superior en dous lobos, dereito e esquerdo. A cara posterior presenta dous sucos, dos que o dereito contén a vea cava inferior. Posúe múltiples funcións, mediante as que intervén na maioría dos procesos metabólicos e de síntese que se producen no organismo, segrega a bile, para a realización de procesos dixestivos, posúe funcións de depósito de diversas substancias, funcións desintoxicantes, actúa como órgano hematopoésico accesorio, etc. - [DGTM] |
