| Definición: | Membrana circular pigmentada que, xunto co cristalino, separa a cámara anterior da posterior do ollo. Ten a función de diafragma ocular e no seu centro presenta un orificio móbil que constitúe a pupila. Consta dunha capa estromática anterior e doutra capa pigmentaria posterior e de orixe ectodérmica. A capa estromática atópase dividida polo colar do iris en dúas zonas: a porción pupilar co músculo do esfínter e a porción ciliar, que contén a raíz do iris e o músculo dilatador do mesmo. A capa pigmentaria, que constitúe a superficie posterior do iris e reviste o bordo da pupila, actúa impedindo o paso da luz, protexendo deste xeito a retina do deslumbramento. - [DGTM] |
