| 1543 |
SHIG Tui, 9/ 543 |
Et totus clerus et beneficiati prefati, quia non habebant redditus nec predia communia super quibus possent imponere aliorum decem millium morapetinorum pensionem annuam, ad effectum quod quelibet dictarum cathedrarum haberet pro salario quindecim millium morapetinorum redditus quolibet anno, darent locum, potestatem, et facultatem, et consensum, ac promiterent, consentirent, et aprobarent quod omnia beneficia et ecclesie parrociales simplicia curata et seruitoria et cuiusuis modi et conditionis existentia que uacauerint deinceps in omni dicta diocesi et episcopatu Tudensi, tam per obitum quam per resignationem aut alio quocumque modo uacantia et que uacauerint, dent et soluant dictis cathedris ex suis fructibus et redditibus ex nunc et perpetuo totiens quotiens uacauerint, uidelicet ecclesie et beneficia prefata que uacauerint per obitum aut finem cuiusuis rectoris et beneficiati illa obtinentis et possidentis in dicto episcopatu quotiens sic uacauerint per obitum et finem dent et soluant quartam partem omnium fructuum et reddituum quos ualuerint quodlibet illorum sic uacantium anno quo uacauerint a die talis uacationis usque ad annum completum semel tantum pro qualibet uacatione integre et plene absque eo quod dificiat aut minuatur aliquid ex dicta quarta parte fructuum liberam et exemtam ab omni onere et seruitio et alia quacumque impositione tam apostolica quam ordinaria aut alias; et ecclesie et beneficia que uacauerint per resignationem aut alias quouis modo uacantia et impetrentur et acquirantur, dummodo non sint per obitum, dent et soluant decimam partem integram et plenam dictorum fructuum et reddituum de anno in quo sic uacauerint a die uacationis usque ad annum plenum, liberam et exemtam prout et secundum dictum est, semel tantum pro qualibet uacatione prout dictum est; quartam seu decimam partem respectiue cuiusuis ecclesie seu beneficii sic uacantis, per obitum aut resignationem aut alias quouis modo, in tota dicta diocesi ex nunc perpetuo illas dent et soluant et teneantur dare et soluere realiter et cum effectu absque eo quod auferant aut minuant rem aliquam illarum queuis persona seu persone quibus fuerit prouisum aut impetrauerint aut intensi fuerint in huiusmodi ecclesiis et beneficiis aut quamuis et quamtumque illorum tam auctoritate apostolica quam ordinaria aut aliis quibusuis uia et modo, a die possessionis capiende et aprehendende aut intrusionis huiusmodi ecclesiarum aut beneficiorum imposterum usque ad totum dictum annum completum, cum omnibus quibusuis reseruationibus fructuum fiendis, et absque eo quod ponant aut ponere ualeant super id obstaculum nec impedimentum aliquod dictis cathedris grammatice et cantus, et magistris et cathedraticis illarum, et yconomo, ac persone et personis que ad recollectoriam et recollectionem et recuperationem illorum fuerint deputate aut illa habuerint in arendam in meris fructibus sic prout illud reddituauerint dicte ecclesie et beneficia, aut in morapetinis aut numis, ad contentum et uoluntatem dictorum cathedraticorum, yconomorum , et arendatariorum et personarum supra dictarum, absque eo quod opponant aut allegent nec pretendant seipsos uelle pro eadem summa, nec pro maiori aut minori, nisi iuxta dictam uoluntatem et beneplacitum; et dictis possessoribus aut intensis illos sic non dantibus aut soluentibus realiter et perfecte, quod huiusmodi cathedratici aut yconomi seu arrendetarii prefati illico quod uacauerint huiusmodi ecclesie seu beneficia, seu per obitum aut resignationem in qualibet uacatione prout et secundum dictum est, possint per semetipsos sua propia auctoritate arripere, colligere, ac leuare dictam quartam seu decimam partem respectiue, absque eo quod super id aut propter id nec eius ratione possit illis apponi dictum obstaculum et impedimentum, nec aliqua exceptio nec opositio, sed libere et absque impedimento aliquo, pro suis et tanquam suis. |
[+] |
