Ego D(idacus) abbas Sancti Stephani de Ripa Silis et omnis conventus eiusdem loci, damus tibi Menendo Rodirici et uxori tue Marie Roderici et tibi Menendo Menendi clerigo Sancti Romani de Limia duas lareas quas iacent in Ueredo, inter molendinos de Susanos et de Iusanos de una parte rivulo et de altera, damus vobis ipsas lareas cum suo monte quod iacet iusta illas, tali pacto ut laboretis bene ipsas lareas et ipso monte et detis inde nobis Vam partem per nostrum maiordomum, et teneatis eas in omni vita vestra et post obitum vestrum remaneant filiis vestris et dent inde IIIIam partem per nostrum maiordomum, et post obitum filiorum vestrorum remaneant ad vestros nepos et dent inde IIIam partem per nostrum maiordomum, et post obitum nepotes vestros remaneant ipsas lareas et ipsos labores quos ibi faceritis monasterio in pace; et si volueritis vendere aut subpinnorare istum verbum veniatis ad monasterium et vendatis aut subpinnoretis ad nos si voluerimus accipere et si noluerimus detis illum per nostrum consilium in tali loco unde nos habeamus nostram directuram in pace.
|