Idcirco requisito super hoc et obtento assenssu Bertrandi Bertrandi archidiacone de Baroncelhi in nostra ecclesia ac vicarii domini Guillelmi Sancte Marie in Cosmedin diaconi cardinalis archdiaconi de Buval in dicta nostra ecclesia ad quem collatio et institutio ipsius ecclesie pertinet, necnon decani et capituli vocatorum ut moris est in capitulo requisiti et assenssu obtento ex causis supradictis et ipsarum qualibet dicta ecclesia Sancti Michaelis de Melees cum omnibus suis iuribus et pertinentiis ac directuris et vassalis cum ipsam vacare contigerit per mortem Iohannis Laso nunc prelati dicte ecclesie de Melees unimus monasterio Sancti Stephani de Ripa Silis et abbati nomine suo et conventus sui ac monasterii recipienti perpetuis temporibus conferimus, et ex causis et rationibus predictis adiungimus ac per anullum nostrum fratrem Alfonsum abbatem dicti monasterii de dicta ecclesia Sancti Michaelis cum omnibus iuribus suis et pertinenciis investimus hoc acto expresse in dicta unione quod dictus abbas et conventus qui nunc est et pro tempore fuerint faciant in dicta ecclesia per secularem clericum in spiritualibus et temporalibus ydonee deserviri, cui de fructibus dicte ecclesie congrua sustentacio assignetur.
|