| Ego Oerius, abbas, et conuentus monasterii Sancti Claudii tibi Iohanni Arie et mulieri tue Marie Fernandi et uni filiorum uestrorum, quem monstraueritis ad obituary uestrum, damus unam uineam, quam nobis dedit dompnus Oerius Arie et dompna Sancia Ruderici, et est in Oliueto; et iacet iusta uineam de Iohanne Fiscal, quantum nos ibi habemus: tali pacto ut laboretis eam et detis nobis de uino medietatem, et ducatis nostrum directum ad monasterium; et detis homini nostro, qui ibi sederit, quid comedat et quid bibat mensurate; et ad mortem omnium predictorum hec hereditas sit libera ex parte uestra monasterio nostro.
|
