Relligionis zelus, vite ac morum honestas aliaque laudabilia probitatis ac virtutum merita, super quibus apud Nos fidedigno commendatur testimonio dilectus Nobis in Lupus Montero, ordinis Sancti Augustini Canonicorum Regularium, mindoniensis Dioecesis, Nos inducunt ut sibi reddamur ad gratiam liberales; exhibita siquidem Nobis nuper pro parte ipsius Lupi oblata petitio continebat quod olim Prioratu Sancti Salvatoris de Petroso, Ordinis et Dioecesis praedictorum, quem quondam Alfonsus Pita, illius Prior, dum viveret obtinebat, per obitum eiusdem Alfonsi, qui extra Romanam Curiam debitum nature persolvit, vacante, ipse Lupus de dicto Prioratu sic vacante a venerabile in Patre, Dei gratia, Episcopo mindoniensi tamquam loci Ordinario, sibi provideri obtinuit, posessione exinde per eum subsecuta.
|