| Et dicti domini decanus et capitulum dixerunt quod similiter ex tunc semper in futurum ponebant et imponebant et assignabant dictos decem mille morapetinos, pro alia tertia parte dicte dotis et salarii dictarum cathedrarum, in redditibus tertiarum grani que debentur et soluuntur quolibet anno per ecclesias dicti episcopatus dicte mense capitulari dicti capituli, quos dictus redditus tertiarum dixerunt similiter assendere ad ualorem dictorum decem millium morapetinorum et ultra, et quod ex tunc illos dono dabant et dotabant ac dotauerunt de illis dictas cathedras prout melius poterant, illosque uniebant et unierunt illis, et dixerunt quod obligabant alia bona dicte mense capitularis facere bonum et pacificum dictis cathedris ex tunc semper imposterum, et quod semper ualebunt dictam summam dictorum decem millium morapetinorum et nullo tempore minuentur nec decrescent, et si minuentur aut decrescent quod suplebunt illud ex aliis bonis dicte mense capitularis integre et plene; et si plus dictis decem mille morapetinis ualerent, dixerunt quod sibi placebat et erant contenti quod dicte cathedre et illarum cathedratici haberent et gauderent hanc excessiuitatem libere et aliquibus non obstantibus ex nunc in posterum, taliter quod si dicti decanus et capitulum qui nunc sunt aut fuerint et successerint deinceps dederint ecclesiam aut beneficium seu beneficia de presentatione sue mense capitularis et monasteria et illius annexa summe et ualoris dictorum decem millium morapetinorum et ultra et non minoris, quod tali casu dicte tertie et eorum granum et redditus remanerent et sint libere similiter, et exemte, et deerestate ad dictam mensam capitularem, dissoluta unione et dismembrate a dictis cathedraticis et earum dote ac obligatione, prout secundum ad presens existunt et extiterunt antea, et quod dicta mensa capitularis et eius bona per hanc dictam institutionem non sint obligata amplius ad supplendum post dationem dictorum beneficii seu beneficiorum ad dictam dotem et unionem dictarum cathedrarum, et similiter cum tali conditione et clausula quod dicti decanus, et capitulum, beneficiati, et persone illis ex beneficiis que nunc et in futurum resignauerint ex illis que uacauerint per resignationem, aut permutationem, cessionem, aut aliis quibusuis modo et uia, dummodo non sint per obitum aut finem huiusmodi persone et beneficiati dicti capituli, non teneantur soluere quartam nec decimam nec tributum aliquod dictis cathedris nec illarum cathedraticis ratione dicte cessionis, permutationis, seu uacationis, tam ille qui resignauerint, cesserint, uel permutauerit, quam persona seu persone in cuius fauorem facta fuerit resignatio, cessio, seu permutatio, aut prouisum fuerit seu impetratum quouis modo preter quam si fuerit per obitum aut finem huiusmodi canonici aut beneficiati dicti capituli, solummodo prout et secundum dictum est et non alias, quod fecerunt et concesserunt dicti domini episcopus et decanus et capitulum, pro se et pro omnibus suis successoribus, firmum et stabile ex nunc semper et in futurum.
|
