| Notum sit omnibus presentibus et futuris quod ego B., prior Palumberii, cum omni conuentu nostro, tam fratrum quam clericorum, uobis Aluaro Petri et uxor uestra Urraca Petri damus et concedimus uobis illam nostram hereditatem, quam habemus in uilla que uocatur Quintanela, iusta palacium Ualasci Petri; et fuit de fratre nostro Iohanne F., dicto Quartalas, tali pacto quod habeatis et possideatis et bene laboretis eam per ubicumque potueris inuenire; et detis inde nobis pro iure recognitionis singulis annis in festo Sancti Uincentii VI denarios ad hominem sancti Sebastiani; et habeatis ipsam hereditatem uobis et uxor uestra in uita sua; et post mortem uestram amborum remaneat hereditatem ad monasterium Sancti Uincentii Palumberii quietam et pacificam sine cuiuslibet contradictione.
|
