Ego Vincencius Dominici vicarius prefatus uisa pronunciacione facta per Johannem Petri nuper socium meum in officio qua inter locucione(?) dicti Gundissalui Garsia appellacionem tenpora date sue appellacionis seruasse et causam predictam per appellacionem ad ecclesiam bracharensem esse legitime deuolutam et ibi tractari et finiri debere et libellum precedere et litem esse contestandam uisis eciam contestacione facta expresse dicti Lupi Petri uisis eciam atestacionibus per dictum Johannem et per me eidem Lupo factis et omnibus aliis quorum intererat et in termino et terminis eis assignatis conparere nolluerit nec uolluit ymmo constat quod citaciones inpedierit iniuriose ideo pronuncio dictum Lupum contumacem prout contumax est de iure manifeste et pocedendo in causa predicta ad ecclesiam bracharensem iam deuoluta et quia ian liquet de eadem uisis probacionibus pronuncio dictum Gundissaluum Garsie probasse intencionem suam et pronuncio apellacionem quam idem Lupus maliciose interposuit cause differendi negocium per spoliacionem quam dictus Lupus allegauit de hiis que possidet desertam et ea non obstante Dei nomine inuocato diffiniendo in cause et negocio principali pronuncio in litteris scriptis sectionem diuissionem dicti beneficii nullam fuisse fore et esse ymmo pocius seccionem nullam denuncio et declaro quia jura et constitucio perallegata anullant aborrent et nullam pronunciari mandant et moneo Lupum Petri primo secundo et tercio dando sibi decem dies pro qualibet monicione ut infra xxx dies deserat dimittat dictam terciam partem et quod eam non inpediat per se uel alium dicto Gundissaluo Garsie qua constat canonice institutum in ecclesia prefata cure et regimine ipsius ymmo restituat cum effectu illam terciam partem eidem Gundissaluo infra terminum predictum et ego eum illa in hiis scriptis ad jus et possessionen illius tercie partis sine contradiccione dicti Lupi reduco et aliter si dictus Lupus non paruerit meis mandatis cum efectu ex tune prout ex nunc et ex nunc prout ex tunc in eo infero sentenciam excomunicacionis in hiis scriptis.
Ano 1369 Título abreviado CDMACM Título Catedral de Mondoñedo Referencia Cal Pardo, Enrique (ed.) (1999): Colección diplomática medieval do arquivo da catedral de Mondoñedo. Transcrición íntegra dos documentos. Santiago: Consello da Cultura Galega (Ponencia de Patrimonio Histórico). Capítulo 109b Páxina 177 Autoría Rodericus Alffonsi notarius prefatus domni archiepiscopi in tota eius archidiocesi Tipo/finalidade/xénero Documento dunha sentenza Orixe Copia Lingua - Localización (redacción: Vimarani)
