Notum sit presentibus et futuris quod ego Suerius Martini, miles de Ribela, abrenuntio demande et cedo questioni quod faciebam et movebam contra donnum M. abbatem et monasterium Ursarie in duobus casalibus que habet predictum monasterium ex parte avunculi mei Iohannis Suerii in loco qui vocatur Pol, in terra de Buvalo, in parrochia sancti Iohannis de Columpnis, quam questionem intendebam movere ratione patris mei et avunculi mei supradicti, et videns ac pro certo sciens, quod non habeo ius aliquod pro me et pro tota voce mea in presenti, de cetero predicte abrenuntio questioni.
|