In Dei nomine amen Ego Michael Martini, filius quondam Martini Fernandi, militi de Prato, pro me et pro omni voce mea, vobis domno Iohanni Lupi, abbati monasterii sancte Marie de Urssaria et conventui eiusdem, omnique voci vestre, quito et abnuncio et absolvo et libero in perpetuum illud casale quod vobis demandabam, quod pater meus supradictus vendidit dicto monasterio; et iacet in Rippa Minei, in loco qui vocatur Couso, in villa de Prato; et propter hoc dedistis mihi L solidos monete legionensis, quos iam in iure meo habeo.
|