Notum sit omnibus hominibus presentibus et futuris quod ego Laurencius Iohannis armiger de Froiaes, cum mea salute et mea plena memoria, do et offero mea spontanea voluntate monasterio sancte Marie de Ursaria ob remedium anime mee et parentum meorum totam hereditatem meam quantam habeo vel habere debeo in villa que vocatur Cotelas, cum omnibus suis terminis et pertinenciis ad montem et ad fontem, sub parrochia sancti Mametis de Candaa; et debeo tenere ipsam in vita mea et post mortem remaneat supradicto monasterio libera et soluta.
|