| Notum sit tam presentibus quam futuris quod ego Fernandus Petri armiger, filius Petri Suerii militis de Froyaes, vendo vobis domno Ioanni abbati et conventui Ursariae tertiam partem casalis quod fuit patris mei predicti Petri Suerii in loco qui vocatur Bustelo sub parrochia sanctae Mariae de Cobis cum omnibus pertinentiis suis, tam in montibus quam in fontibus, pro precio, videlicet, quingentorum solidorum monetae currentis in terra; tale videlicet conditione quod ego Fernandus Petri supradictus teneam hereditatem suprascriptam in vita mea et ad mortem meam debet remanere libera et quieta sine omni impedimento monasterio supradicto.
|
