Notum sit omnibus presentibus et futuris quod ego Iohannes Laurencii, cogente me paupertate mea, vendo vobis domno P. Fernandi, abbati Ursarie et eiusdem loci conventui vestrisque succesoribus quantam hereditatem habeo vel habere debeo in villa que vocatur Roupar ex sucesione patris mei Laurencii Iohannis, sub parrochia sancti Christofori de Cea, cum omnibus terminis et pertinenciis suis ad montem et ad fontem et cum omni voce sua et arboribus et terris cultis et incultis, ubicumque potuerint inveniri, pro precio quod mihi et vobis bene complacuit, videlicet, XXXa solidis de alffonssiis nominatis.
|