Cum itaque, sicut accepimus, canonicatus et prebenda ecclesie auriensis et quoddam simplex beneficium ecclesiasticum seruitorium nuncupatum, situm in parrochiali ecclesia [sancti Petri] de Jallas, compostellane diocesis, que quondam Martinus Facundi, ipsius ecclesie auriensis canonicus et in dicta parrochiali ecclesia perpetuo beneficiatus, dum viueret obtinebat, per obitum eiusdem Martini, qui extra romanam curiam diem clausit extremum, uacauerit et uacauerint et uacent ad presens, Nos eidem Alfonso, premissorum meritorum intuitu, specialem graciam facere uolentes, ipsumque Alfonsum ab omnibus et singulis excommunicacionis, suspensionis et interdicti, alliisque ecclesiasticis sentenciis, censuris et penis a iure uel ab homine q[uaui]s occasione uel causa latis, si quibus quomodolibet innodatus existit, ad effectum presentium dumtaxat consequendum, hac serie absoluentes et absolutum fore censentes;
|