Sepades que nos proueyemos e fesimos provision, titulo e collaçion a don Alfonso de Fonseca, estudiante en Artes, por ynposiçion de nuestro birrete, que sobre su cabeça posimos, del benefiçio eclesiastico quarta parte syn cura de toda la parrochial yglleia de san Jurjo de la çibdad de la Cruña, vacante por synple renunçiaçion que en nuestras manos fiso el arçediano Françisco Flores, vltimo clerigo e poseedor que del dicho benefiçio [fue], o por otra qualquier manera que vaco sea; la presenrtaçion, colaçion e prouision del qual a nos pertenesçe por razon de nuestra dignidad e mesa arçobispal.
|