Lo qual vos renunçiastes segundo dicho es, para que del se fiziese titulo e colaçion al dicho liçençiado sobredicho; e por mi reçibida la dicha renunçiaçion ex cabsa promutaçiones, segundo dicho es, vos probeo e fago prouisyon, titulo e colaçion e canonica instituyçion a vos el dicho Jacome Valieyron, clerigo, segund dicho es, del dicho benefiçio mitad con cura de santa Maria de Morquintian; la qual dicha prouision vos fago de asenso e consenso del dicho liçençiado, como patron verdadero que dixo seer de la dicha mitad con cura de santa Maria de Morquintian. e a la presentaçion del qual en ella presento, e por labsum tempons o en hotra qualquier manera que baco sea; la colaçion e probisyon e colaçion del qual pertenesçe a su reuerendisima Señoria e a mi como su prouisor e vicario de prover e colar; en la posesion del qual vos envisto e digo e mando en virtud de santa obediencia e so pena d ' escomunion a qualquier clerigo o capellan del dicho arçobispado e a cada vno e qualquier de vos que cada y cuando que por vos, el dicho Jacome Valieyron, fueren requerido o requeridos, o por vuestro procurador en vuestro nombre, por virtud deste dicho titulo vayan con vos o con el dicho vuestro procurador em vuestro nombre al dicho benefiçio de santa Maria de Morquintian e vos pongan e apoderen em el jur e posesion real, abtual, seu casy, de la dicha mitad con cura de la dicha ygleia de santa Maria de Morquitian por libros, caliz e bestimenta e campana tanida e por los otros hornamientos de la santa madre ygleia segund vso e costumbre del dicho arçobispado e de derecho en tal caso se requiere.
|