Volumus autem, quod propter unionem, annexionem, et incorporationem praedictas, Praestimonia, seu praestimoniales Portiones, aut Simplicia, Beneficia, aut Ecclesiae, vel Heremitoria, seu Capellaniae, unita, vel unite hujusmodi debitis non fraudenter obsequiis, sed eorum congrue supportentur onera consueta: quodque earumdem praesentium Litterarum transumptis manu publici Notarii subscriptis, et sigillo alicujus Praelati, seu personae in dignitate ecclesiastica constitutae munitis, eadem prorsus fides indubia ubilibet adhibeatur, quae adhiberetur eisdem praesentibus Litteris, si forent exhibitae, vel ostensae; et insuper quo ad illa, vel illas, quae de jure Patronatus hujusmodi non sunt, et in Titulum idem Alphonsus Archiepiscopus obtinebat, prout est, si attentatum sit hactenus, et quoad illa, ac alia, quae de eodem jure Patronatus sunt, et alia, quae in Commendam obtinebat idem Alphonsus Archiepiscopus, Praestimonia, seu Portiones, aut Simplicia, et alia Beneficia, aut Heremitoria, Ecclesias, Capellanias, vel alia, et reliqua praemissa ex nunc irritium decernimus, et inane, si secus super his a quoquam quavis authoritate scienter, vel ignoranter contigerit attentari.
|