| It. ad evitandum confusionem, que accidit in choro ex eo quod nescitur quisque incipere debeat conformiter ad librum Usuum in hac solemni domo minus observatorum, mandamus ut proximior in choro ipso hebdomadario invitatorii, et ipso inferior, si inferiorem habeat, incipiat semper ad vigilias Domine labia mea aperies; ad laudes etiam Deus misereatur nostri: item omnes psalmos quorum ipse hebdomadarius Invitatorii premiserit et inceperit antiphonas; it. omnes himnos, qui in ecclesia decantantur, excepto himno ad vigilias, laudes, tertiam, vesperas et completorium festivis diebus, quos himnos non ipse, sed Cantor incipere debet.
|
