Dende o momento que nacemos ata o noso último sopro, vivimos
nunha sociedade consumista. Pasámonos todo o día mercando e
vendendo produtos, pero, que importancia ten este feito?
Pois ben, ademáis do ben que nos sentimos moitas veces ao
mercar certo tipo de cousas, como poden ser cosméticos ou mesmo
roupa, estamos a xerar postos de traballo, porque é preciso
xente que fabrique todos estes produtos, que aínda que en
moitos casos intervén maquinaria, tamén se precisan persoas que
a controlen.
Na actualidade, a pesar de todas as crises que se produciron no
pasado, a economía estase a recuperar, o feito de ter unha
boa economía permite crear unha sociedade de consumo.
Xa non é preciso que nos preocupemos tanto de como obter alimento, senón que agora as nosas preocupacións son distintas. Agora
pensamos máis no destino das nosas vacacións ou mesmo en ter o
último móbil que saíu ao mercado, cousas que moitos anos atrás
eran impensables.
Pero o feito de ter unha sociedade tan consumista non é bo, hai moita
xente que non ten diñeiro para poder mercar todas as cousas de
última moda, isto sobretodo ten un efecto negativo sobre os nenos,
xa que moitos deles sofren discriminación porque os seus pais non
se poden permitir productos tan caros.
Para rematar, eu penso que é positivo ter unha sociedade de consumo que
cree postos de traballo, pero moitas veces esta sociedade causa que
as persoas prestemos mais atención ás cousas materiais en vez de
aos demáis.