ABAU/2016-2017/CD15/xuño/10

Actualmente podemos apreciar nos periódicos ou telediarios que a cociña e a gastronomía foron gañando forza e prestixio.

É interesante coñecer e documentarnos máis acerca do mundo da cociña xa que é bo saber que comemos e se é ou non saudable para o noso corpo e por conseguinte a nosa mente. Isto pódese observar en diversos programas de cociña televisados, nos que se desmonta todo o proceso desde o que o alimento chega á cociña ata que este sae a cada mesa e chega aos clientes, un xurado moi estricto.

Tamén temos que ter en conta do que se emite en cada programa xa que algúns pódennos estar manipulando e non transmitirnos a verdade ben esaxerando ou ben ocultándo sucesos feitos ao seu favor. A gastronomía e a cociña medran cada vez máis e isto é favorable para nós e para a nosa saúde, os pratos teñen que ter un mínimo de calidade e ser seguros, xa que moitos restaurantes optan por comprar alimentos que non están en bo estado xustificando e conseguindo así un baixo prezo.

A nosa sociedade adoita menospreciar o mundo da cociña cando en realidade este mundo é un dos máis complexos e perfeccionistas que hai. A gastronomía non é unha moda pasaxeira senón un cambio cultural duradeiro, pero a boa cociña ten que estar feita con "amor", isto é, ten que che gustar o que estás facendo (cociñar...) xa que un dos grandes problemas da nosa sociedade actual é que facemos as cousas única e exclusivamente polo diñeiro non por estar facendo algo que nos complete como persoas e nos faga sentir autorrealizados.