Hoxe en día estamos e vivimos nunha sociedade totalmente
consumista, ninguén o pode negar. A produción masiva e, por conseguinte,
o consumo masivo son unha tónica nestes novos tempos e isto
ten as súas vantaxes e os seus inconvenientes. Non é ouro todo
o que reloce e neste tema hai que ver ámbalas dúas caras
da moneda.
Ben é certo que os avances tecnolóxicos permitiron un aumento
da produción e da produtividade en escalas moi elevadas, e que
iso mesmo nos permite dispor de calquera produto en canto
nós mesmos o desexemos. Este aspecto tamén fixo que os postos
de traballo aumentasen considerablemente debido á elevada demanda
do mercado. Pero non todo son vantaxes, senón que existen
infinidade de puntos negativos. A produción en masa foi a
causante da aparición da chamada "obsolescencia programada",
é dicir, a vida útil dos produtos é limitada, e ademais a
súa calidade é máis reducida. O ánimo de lucro e a avaricia
das grandes empresas dominan o mercado con produtos aos que
as pequenas empresas non poden facer fronte, pese a ofrecer
unha maior calidade, xa que as grandes superficies abaratan
custos de produción coas economías de escala, a deslocali
zación ( famosos ERE) etc., e polo tanto os prezos que ofrecen non teñen competencia.
Precisamente a deslocalización é moi habitual actualmente:
as grandes empresas trasladan os seus centros de produción
a países onde poden abaratar custos, xeralmente Estados
Subdesenvolvidos, mediante salarios ínfimos, impostos practicamente
nulos, a non existencia de lexislación laboral etc. Polo tanto,
os traballadores locais moitas veces son perxudicados por
esta medida.
Para concluir e rematar, dicir que hai que aproveitar todo
o bo desta sociedade de consumo, pero sempre regulando
dende a Administración Pública con medidas que fomenten
o crecemento da pequena empresa, que impulsen os produtos
enxebres da nosa terra e que sosteñan o emprego dos cidadáns
locais para que todos poidamos desfrutar de tantos e
marabillosos avances.
