Día tras día, vivimos sometidos ó consumismo, a gastar
por gastar e a non pararnos a pensar,: pero, realmente eisto
faime falta? A maioría das veces a resposta é negativa.
E é que todos nós nacimos nun mundo así, por desgraza,
centramos niso, en mercar. E no caso dos productores, igual.
Un claro exemplo disto está no emprego masivo de
máquinas e aparellos tecnolóxicos, deixando cada vez
a máis xente sen emprego. Pois está claro que do outro
lado da moeda, dende o punto de vista do productor, só
importa obter os máximos beneficios. E unha vez máis,
facer fronte a tanta demanda dos consumidores.
No caso dos consumidores, máis ou menos, o conto é o
mesmo. Xa non nos importa non poder permitírnolo, danos
igual que a nosos pais lles coste un ollo da cara... Se
queremos algo que estea de moda, vai ser noso. E isto
é ben triste, pois parece que se nos falta algo que o
resto ten, xa estamos excluídos da sociedade.
E así vivimos actualmente, nun mundo no que comprar
o máximo posible e vender o máis que se poida, é o
pan de cada día, deixando de lado o resto. Simplemente,
estamos manipulados polo diñeiro. E, por moito que
nos coste admitilo, todos somos consumistas.
