News

  • Conferencia de Maria Rilda Alves da Silva Martins
    11/23/21
    O vindeiro martes 23, ás 11:30 h, a investigadora visitante Maria Rilda Alves da Silva Martins, da Universidade Federal do Pará, ofrecerá na sala de conferencias do instituto a charla Variação de nós e a gente nas capitais brasileiras: Estudo a partir do Corpus do Atlas Linguístico do Brasil. 
     

  • Convocatoria pública de contratación de persoal
    11/19/21

    Convócanse dous contratos de investigación no ILG a tempo parcial (50% de dedicación). O prazo de presentación de solicitudes remata o 25 de novembro.

  • Dispoñibles en Youtube as sesións do Simposio ILG 2021

    11/08/21

    As sesións do Simposio ILG 2021 xa poden visualizarse na canle de Youtube da USC.

  • Obradoiro de Clara Lago Caamaño na Universidade de Zúrich
    10/28/21

    A investigadora Clara Lago Caamaño impartirá un obradoiro en que achegará o galego e a súa situación sociolingüística ao alumnado da Universidade de Zúrich, onde está a realizar unha estadía de investigación.

    Terá lugar os días 28 e 29 de outubro dentro das Xornadas galegas 2021: Galicia no RoSe.

  • Conferencia de Nicola Bermingham no ILG
    10/25/21

    A profesora da Universidade de Liverpool Nicola Bermingham, investigadora visitante no noso Instituto, ofrecerá a conferencia "Intersecting Language Ideologies: insights from the periphery" o xoves 28, ás 13:00 h, na sala de conferencias. 

    Resumo*:

  • Gonzalo Navaza, novo académico numerario da RAG
    10/25/21

    Gonzalo Navaza, colaborador externo do ILG, foi elixido académico de número no plenario ordinario da Real Academia Galega que tivo lugar o sábado. Ocupará a vacante deixada polo historiador Xosé Ramón Barreiro.

    O profesor da Universidade de Vigo forma parte da institución desde o ano 2012 como membro correspondente vinculado ao Seminario de Onomástica.

  • Convocatoria pública de contratación de persoal
    10/21/21

    Convócase un contrato no ILG para labores de apoio na compilación e análise de corpus para o coñecemento da lingua das novas xeracións galegas. A súa duración é de 5 meses e a xornada do 75%. O prazo para a presentación de solicitudes está aberto ata o 26 de outubro.

  • Defensa da tese de doutoramento de Vítor Míguez Rego
    10/18/21

    O luns 18 de outubro, ás 10:30 h, Vítor Míguez Rego defendeu a súa tese de doutoramento "Aproximación á modalidade epistémica en galego: o dominio adverbial", dirixida por Francisco Cidrás Escáneo.

  • Simposio ILG 2021. 50 anos
    10/18/21

    A vixésimo primeira edición do Simposio do ILG coincide cronoloxicamente cos 50 anos da súa fundación, en maio de 1971.

  • Retransmisión do Simposio ILG 2021 a través da canle de Youtube da USC
    10/18/21

    Hoxe, ás 17.00 h, dará comezo o Simposio ILG 2021. 50 anos, en homenaxe a Rosario Álvarez Blanco, Francisco Fernández Rei e Manuel González González, no salón de graos da Facultade de Filoloxía da USC. As sesións tamén poderán seguirse a través da canle de Youtube da USC nas seguintes ligazóns:

Pages