Miguel Guisantes Alonso

Correo: 
Miguel Guisantes Alonso (A Guarda, 1991) é graduado en Lingua e Literatura Galegas pola Universidade de Santiago de Compostela (2018). Cursou o Máster Interuniversitario en Lingüística Aplicada nesa mesma universidade (2019) e o Máster Universitario en Profesorado de Educación Secundaria Obrigatoria e Bacharelato, Formación Profesional e Ensino de Idiomas na Universidade da Coruña (2020).
 
No ILG traballa no seu proxecto de tese Identidade e cambio lingüístico na mocidade, baixo a tutela de Elisa Fernández Rei, que se encadra no proxecto Contacto, cambio lingüístico e ideoloxía en contextos de minorización lingüística.
 
Esta investigación aborda, nun contexto de aumento do contacto lingüístico no mundo globalizado actual, como a mocidade galega emprega os seus repertorios lingüísticos dispoñibles para a construción da súa identidade nas interaccións comunicativas, considerando que a escolla de lingua (ou linguas) está condicionada en gran parte polas ideoloxías lingüísticas dos e das falantes.
 

Últimas publicacións

Ver todas as publicacións