Xa publicado o volume de 'Opera II: Ars grammatica', editado por Xosé Carracedo

O investigador do ILG Xosé Carracedo edita o volume Opera II: Ars grammatica, do bispo Xulián de Toledo, xa publicado pola editorial Brepols. O tratado é o máis completo conservado na escola visigótica; pertence aos denominados manuais avanzados e esexéticos, xa que está concibido como un comentario pormenorizado dos tratados modelo de Donato, o Ars minor e o Ars maior, e inclúe os principais campos de estudo definidos pola tradición gramatical da tardía Antigüidade. 

É ademais un dos primeiros e mellores exemplos do proceso de cristianización da teoría gramatical latina operado na escola medieval. Como adoita ser habitual en textos escolares, a obra chegou ata nós en dúas redaccións distintas, sen que se poida determinar cal das dúas é a do bispo ou a máis próxima a el. Por esa razón, a edición ofrece en paralelo o texto das dúas versións.