Ciberviolencia sexual: ferramentas para a prevención

Data inicio: 
Tuesday, April 22, 2025 - 16:30
Data fin: 
Tuesday, April 22, 2025 - 17:30
Descrición: 

Sabela Salgueiro, traballadora social especializada en saúde, sexualidade e xénero, impartirá a conferencia Ciberviolencia sexual: ferramentas para a prevención o 22 de abril, ás 16:30 h, na sala de divulgación do Instituto da Lingua Galega (ILG) da Universidade de Santiago de Compostela. 

A ciberviolencia sexual é unha forma de violencia que se desenvolve no ámbito dixital e reflicte desigualdades de xénero presentes na sociedade. Este relatorio ten como obxectivo achegar o público a unha comprensión clara deste fenómeno e proporcionar ferramentas prácticas para previr, identificar e responder a estas situacións, promovendo a construción de espazos dixitais máis seguros e igualitarios.

Obxectivos:

  • Conceptualizar a ciberviolencia sexual e como se manifesta.

  • Reflexionar sobre as raíces sociais e culturais que a sustentan.

  • Facilitar ferramentas prácticas para a súa prevención e resposta.

  • Promover a implicación social para minimizar o impacto desta problemática. 

A entrada a este evento, organizado pola Comisión de Xénero e Igualdade do ILG, é aberta previa inscrición, xa que a capacidade da sala é limitada.