Reyes Rodríguez Rodríguez

Reyes Rodríguez Rodríguez (Entrimo, 1990). Son graduada en Estudos de Galego e Español pola Universidade de Vigo e investigadora colaboradora do Instituto da Lingua Galega na Universidade de Santiago de Compostela desde o ano 2018, onde participo no proxecto A lingua das novas xeracións: competencia, cambio lingüístico, actitudes, mantemento e transmisión da lingua, dentro do cal traballo na transcrición e anotación do Corpus de textos galegos escritos por estudantes no ámbito académico (CORTEGAL) e tamén do Corpus Oral Informatizado da Lingua Galega (CORILGA). Colaboro no proxecto A lingua das familias: mantemento, transmisión e cambio de lingua ao longo de tres xeracións e, actualmente, realizo funcións de recolleita, análise e tratamento de datos lingüísticos no proxecto Atlas Lingüístico Galego (ALGa). 

Cursei no ano 2015 o Máster de Formación de Profesorado de Secundaria e rematei no ano 2022 a miña tese doutoral, Contribución á sociodialectoloxía galega: a fala da Limia Baixa, no Programa de Doutoramento en Estudos Lingüísticos na Universidade de Vigo, que se centra no estudo sociodialectal da fala da Limia Baixa.