Eduardo Louredo Rodríguez

Eduardo Louredo Rodríguez (Paredes, 1989) é licenciado en Filoloxía Galega e Filoloxía Románica e doutor en Lingüística (2019) coa tese Variación e cambio lingüístico en tempo aparente: o galego do Ribeiro, dirixida polo profesor Xulio Sousa. Actualmente é profesor de Ensino Secundario de Lingua Galega e Literatura. 

Está vinculado ao ILG desde 2011, onde traballou nos proxectos Tesouro do léxico patrimonial galego e portugués, Edición e elaboración dos materiais galegos do ALPI (Atlas Lingüístico de la Península Ibérica), Dicionario dos apelidos galegos, Cambio lingüístico no galego actual e Contacto e cambio lingüístico en galego. As súas principais áreas de interese son a sociolingüística, a dialectoloxía (especialmente a variación morfosintáctica e léxica), a onomástica e a historia da lingua.