Ramón Mariño Paz

Ramón Mariño Paz (Balbargos-Noia, 1962) é catedrático da Área de Filoloxías Galega e Portuguesa da Universidade de Santiago de Compostela. Entre 2011 e 2020 codirixiu Verba (Anuario Galego de Filoloxía).

Traballa sobre todo en historia social, fonética, fonoloxía e morfoloxía históricas da lingua galega, así como en edición de textos posmedievais. Sobre estes temas publicou artigos en diferentes revistas científicas, capítulos de libros e libros como Historia da lingua galega (1998), Eladio Rodríguez a e cultura galega (2001), O idioma galego no limiar da súa renacenza (2003), Historia de la lengua gallega (2008) e Fonética e fonoloxía históricas da lingua galega (2017). Editou ou coeditou os seguintes volumes: Papés d’emprenta condenada. A escrita galega entre 1797 e 1846 (I) (2008), Papés d’emprenta condenada (II). Lingua galega e comunicación nos inicios da Idade Contemporánea (2012), “Assí como es de suso dicho”. Estudios de morfología y léxico en homenaje a Jesús Pena (2012), Lingüística histórica e edición de textos galegos medievais (2015) e A lingua galega no solpor medieval (2016).