Curso formativo sobre o sistema LATEX no ILG

O 7 e 8 de outubro tivo lugar na sala de divulgación do noso centro o curso de formación Introdución a LATEX, impartido polo investigador do ILG Vítor Míguez. Arredor dunha ducia de persoas, entre as que se encontraban membros do noso centro e estudantes de doutoramento da Universidade de Santiago de Compostela, puido achegarse a este sofisticado sistema para a preparación de documentos que separa os labores de introdución do contido e de formatado do texto. LATEX ofrece uniformidade de estilo, soporte bibliográfico, seguimento de referencias e grandes capacidades para a estruturación de
documentos complexos.