Novedades

  • Congreso da AJL en Santiago de Compostela
    16/10/24

    Do 16 ao 18 de outubro ten lugar na Facultade de Filoloxía da USC o XXXVIII Congreso Internacional da Asociación de Jóvenes Lingüistas, que conta na súa organización cos membros do ILG Iván Arias Arias, Estela Fidalgo Garra, Miguel Guisantes Alonso e Clara Lago Caamaño.

  • Conferencia de Eva M.ª Domínguez Noya
    16/10/24

    A investigadora do ILG Eva María Domínguez Noya ofrecerá a conferencia "A anotación morfosintáctica de corpus: o sistema XIADA" o 16 de outubro na Facultade de Filoloxía da USC.

  • Novo manual para as aulas de Lingua Galega e Literatura
    11/10/24

    Encóntrase dispoñible en liña o documento de traballo Recursos e novas metodoloxías para as aulas de Lingua Galega e Literatura, coordinado polas investigadoras do ILG María Álvarez de la Granja e Elisa Fernández Rei e polo profesor de ensino secundario Nel Vidal Barral, e editado polo Consello da Cultura Galega.

  • Artigo de Ignacio Palacios e Paloma Núñez Pertejo en ELG
    11/10/24

    Ignacio Palacios Martínez e Paloma Núñez Pertejo, da USC, asinan o artigo "Novas prácticas lingüísticas dos falantes urbanos mozos de Londres e Madrid. Un estudo contrastivo baseado en corpus", publicado no n.º 16 da revista en liña Estudos de Lingüística Galega.

  • Conferencia de Juan Manuel Fustes no ILG
    09/10/24

    O profesor Juan Manuel Fustes Nario, da Universidad de la República (Montevideo), ofrecerá a conferencia Ensinar o saber dos falantes. Reflexións ao redor dunha indagación no ensino do galego nas últimas catro décadas o 9 de outubro, ás 13 h, na sala de divulgación do noso centro.

  • Elisa Fernández Rei participa nunha mesa redonda sobre CLARIAH
    07/10/24

    Elisa Fernández Rei participa o 7 de outubro, ás 11:00 h, na mesa redonda CLARIAH-ES: Impulsando las Humanidades Digitales en España, en que a directora do ILG representa o nodo galego da rede.

  • IV Simposio Internacional Aspectos Lingüísticos do Noroeste Ibérico
    03/10/24

    Encóntrase aberto ata o 30 de xuño o prazo de envío de propostas para participar no IV Simposio Internacional Aspectos Lingüísticos do Noroeste Ibérico (SIALNI4), que terá lugar os días 3 e 4 de outubro de 2024 na Facultade de Filoloxía da USC.

  • Montserrat Recalde na Université de Rouen
    30/09/24

    A investigadora do ILG Montserrat Recalde ofrecerá o luns 30 de setembro a conferencia "La gheada en gallego: historia de un estigma". Recalde foi convidada polo profesor José Vicente Lozano da Faculté des Lettres et Sciences Humaines da Université de Rouen (Normandía).

  • Xornada Lingua e Matemáticas
    24/09/24

    O vindeiro martes 24 de setembro terá lugar na Facultade de Filoloxía da USC a Xornada Lingua e Matemáticas, en que participan as investigadoras do ILG Alba Aguete e Clara Lago.

  • Conferencia de Ramón Lorenzo
    23/09/24

    O próximo 23 de setembro, ás 12.00 h, terá lugar no salón de actos da Facultade de Filoloxía a conferencia do investigador do ILG Ramón Lorenzo Vázquez, que estará acompañado polas tamén investigadoras do noso centro Dolores Vilavedra e Ana Boullón. 

Páginas