Dicionario de xentilicios festivos

Sabes que ás persoas de Santiago de Compostela lles chaman picheleiras e ás da Coruña cascarilleiras? Coñeces algún nome festivo para chamarlles ás persoas que viven no teu lugar ou nun lugar próximo? Gustaríache compartir esas palabras? O obxectivo deste dicionario é construír entre toda a cidadanía un glosario de xentilicios festivos (ou pseudoxentilicios) do galego que se empreguen na actualidade para referirse ás/aos habitantes dun lugar. Os xentilicios festivos non son xentilicios oficiais e frecuentemente non derivan dos topónimos (por exemplo, santiagués/santiaguesa ou coruñés/coruñesa non son pseudoxentilicios).

A fonte principal para a construción deste dicionario é o coñecemento da cidadanía. A imaxe é de Tyli Jura e foi tirada de Pixabay.

Este dicionario ten como finalidade difundir os xentilicios festivos do galego empregados na actualidade, construíndo de maneira colaborativa un repertorio vivo destas denominacións populares que forman parte da nosa riqueza lingüística e cultural. Ademais, os datos proporcionados neste dicionario poderán empregarse con fins de investigación.

Cutrín Garabal, José Antonio / Álvarez de la Granja, María (coords.)

Instituto da Lingua Galega-Universidade de Santiago de Compostela

ilg.linguaviva@usc.gal