Mulleres na Lexicografía / Women in Lexicography

Carolina Coronedi (Berti)

Italiano, boloñés (dialecto italiano do Norte)

1820 (Boloña, Italia) – 1911 (Boloña, Italia) Carolina Coronedi naceu en Boloña, unha cidade do norte de Italia. Cando casou co seu marido, Leonida Berti, decidiu comezar a asinar os seus documentos e traballos engadindo o apelido do seu esposo, Berti. Xuntos, após casaren, mudáronse a Ferrara (Italia) e tiveron catro fillos: Achille Alfonso Berti, Maria Virginia Berti, Maria Assunta Berti e Anna Maria Berti. Carolina Coronedi Berti foi unha das mulleres máis relevantes da cultura boloñesa. Desafortunadamente, non é moi coñecida e o pouco que sabemos dela é que era una muller erudita, xentil e intelixente.

Durante a súa carreira profesional, dedicouse a estudar os costumes e tradicións da súa cidade, tentanto desenvolver traballos capaces de representar os aspectos máis característicos da súa cultura. Carolina Coronedi Berti é unha rara excepción para o seu tempo, unha muller que tivo a oportunidade de realizar estudos filolóxicos.

•Coronedi Berti, C. (1872): “Di alcuni usi popolari bolognesi”. Florencia. •Coronedi Berti, C. (1873)."Grammatica del dialetto bolognese premessa al vocabolario”. Florencia. Breve introdución ao “Vocabolario dialettale bolgonese”, en que se presentan as características máis salientábeis da gramática boloñesa. • Coronedi Berti, C. (1875). “Raccolta di novelline popolari bolognesi”. Florencia. •Coronedi Berti, C. (1874). “Usi nuziali del contado bolognese”. Florencia. •Coronedi Berti, C. (1875). “Appunti di botanica popolare bolognese”. Florencia. •Coronedi Berti, C. (1876). “Appunti di medicina popolare bolognese”. Florencia. – •Coronedi Berti, C. (1876). “Alcuni usi popolari bolognesi” Florencia. Contén unha carta a Giuseppe, en que ela contesta ao seu artigo, “Sulle costumanze della Sicilia”. •Coronedi Berti, C. (1869-1877). "Vocabolario dialettale bolognese”. Boloña.Dicionario en dous volumes, cuxo obxectivo é fornecer unha lista de todas as expresións idiomáticas e frases feitas relacionadas co dialecto de Boloña.

No seu Vocabolario bolognese italiano (recollido a continuación como extracto de obra) : Coronedi Berti subliña: «Formai adunque l'idea di compilare un vocabolario, che al possibile racchiudesse in sé tutto il dialetto; di un vocabolario, cioè, che non solo facesse tesoro delle voci, ma ancora di proverbi e motteggi, non che di nostre maniere di dire, facendo così conoscere il maneggio di certi costrutti, il reggimento de' verbi, degli aggettivi, che danno per così dire, una fisonomia tutta propria a ciascuna lingua». <<I vocabolari non sono mai perfetti, e sempre ci è da osservare, da levare, da aggiungere, da mutare>>. https://archive.org/details/vocabolariobolo00bertgoog/page/n13/mode/2up

Carolina Coronedi Berti foi membro da prestixiosa “Comissione per i testi di lingua” (unha comisión de textos lingüísticos), unha organización establecida en Boloña e cuxo obxectivo era publicar traballos de autores italianos.

-Al Sît Bulgnaïs / Il Sito Bolognese (2023/01/23). Carolina Coronedi Berti. https://www.bulgnais.com/carolina-coronedi-berti.html -Wikipedia (2023/30/01). Carolina Coronedi Berti. https://it.wikipedia.org/wiki/Carolina_Coronedi_Berti -Foto: https://www.bulgnais.com/carolina-coronedi-berti.html

Francesca Barozzi

Iván Arias Arias