Mulleres na Lexicografía

O principal obxectivo deste dicionario é visibilizar e reivindicar a mulleres relevantes no eido da lexicografía. O traballo ofrece información sobre a súa vida, traxectoria profesional, así como a súa bagaxe social e cultural. Destaca especialmente a súa contribución á lexicografía nos seus respectivos contextos. Esta obra desenvólvese como proxecto didáctico de aprendizaxe colaborativa no marco do Mestrado Mundus en Lexicografía (EMLex). Tendo en conta o carácter multicultural do devandito mestrado e a existencia de lexicógrafas en todo o mundo, o recurso aspira a incluir representación de cada continente e tratará de ser o máis diverso posible. Os lectores poden consultalo gratuitamente e tamén presentar propostas de entradas. O dicionario está dispoñible en liña e pode descargarse en formato dixital.

Literatura científica, xornais, entrevistas, dicionarios impresos e dixitais, recursos dixitais

O dicionario ilustra a contribución de mulleres lexicógrafas co obxectivo de recoñecer os seus logros como modelo para ´futuras xeracións. Este recurso foi deseñado como actividade de práctica lexicográfica e aprendizaxe colaborativa.

Convidamos a lexicógraf@s, entusiastas da lingua e do coñecemento e a tod@s interesad@s a contribuír no desenvolvemento deste recurso e a empregalo nas aulas, como simple lectura ou como elemento para a reflexión.

María José Domínguez Vázquez (dir), Lola Mosquera Sánchez, Deborah Chidimma Nebechukwu, U-Tong Sih - EMLex (autor@s do deseño e estrutura do dicionario)

Instituto da LIngua Galega, EMLex

majo.dominguez@usc.es