Concepción Álvarez Pousa

Correo: 

Doutoranda no programa de Lingüística da USC na liña de variación lingüística, ultima o traballo para a presentación da tese A lingua da Terra de Viana do Bolo: Descrición dialectal e análise do cambio lingüístico. Realizou unha estadía de investigación (2016) no Arquivo Dialetal do CLUP da Faculdade de Letras do Porto; e en congresos e xornadas da USC e das universidades de Estremadura (Cáceres), Porto e Complutense de Madrid presentou relatorios sobre a variedade vianesa e as afinidades co galego das Portelas de Zamora e co portugués. No 2015 integrouse no proxecto Arquivo do Galego Oral do Instituto da Lingua Galega.

Publicou o libro Escolma de poesía berciana en lingua galega (en coautoría, 2002) e artigos en revistas sobre Laureano Prieto, etnógrafo e recolector da literatura popular, e sobre a lingua de Florencio Delgado Gurriarán. É docente no ensino secundario e colaboradora do xornal intercomarcal O Sil.

Últimas publicacións

  • “A variedade valdeorresa do galego oriental e a súa presenza na lingua literaria de Florencio Delgado Gurriarán"
    Concepción Álvarez Pousa (2020): A Trabe de Ouro. Publicación galega de pensamento crítico, 113, 9-34 - Artigo
  • “A variedade valdeorresa do galego oriental e a súa presenza na lingua literaria de Florencio Delgado Gurriarán”
    Concepción Álvarez Pousa (2019): II Ciclo de conferencias Florencio Delgado Gurriarán, A Rúa, Ourense, 29 de novembro de 2019 - Presentación
  • “O vianés e o galego da área zamorana. Particularidades en común destas variedades do galego oriental”
    Concepción Álvarez Pousa (2019): Madrygal. Revista de Estudios Gallegos , 22, 15-30 - Artigo
Ver todas as publicacións

Proxectos nos que participa