María José Domínguez Vázquez

Son doutora europea en Filoloxía Alemá e Premio Extraordinario de Doutoramento. A miña tese versou sobre a semántica das preposicións e os complementos preposicionais dende un punto de vista contrastivo. Desenvolvo a miña actividade docente na Facultade de Filoloxía da USC.

 

A miña actividade investigadora céntrase nos estudos gramaticais valenciais e lexicográficos contrastivos e multilingües así como na análise do usuario de información lexicográfica dixital. Entre as miñas publicacións mais salientables está un estudo contrastivo da valencia verbal xunto co seu dicionario (con Ulrich Engel e Gemma Paredes; 2017; tomo I, tomo II) e o Diccionario multilingüe da valencia nominal PORTLEX (en coautoría). Ademáis, son IP de dous proxectos para a xeración automática de patróns argumentais, MultiGenera e MultiComb.

 

Participo en diferentes actividades de xestión: coordinadora española e membro do Consello Directivo do Máster Erasmus Mundus en Lexicografía, fellow da Fundación Alexander von Humboldt, membro do Consello Científico Internacional do Institut für Deutsche Sprache (Mannheim) ou do gremio xestor de RELEX (Rede galega de lexicografía). Tamén fun membro do Comité executivo do European Network of Lexicography (COST-Action).