Marilucia Barros de Oliveira

Marilucia Barros de Oliveira é profesora titular da Universidade Federal do Pará (UFPA / Brasil). Está interesada na descrición, análise e cartografado de variedades do portugués brasileiro (PB) usadas na rexión amazónica, sobre todo en comunidades indíxenas e afrodescendentes. Coordinou o ingreso de candidatos negros e indíxenas na UFPA entre 2009 e 2017. Integrou a directiva da Asociación Brasileira de Lingüística (ABRALIN / 2013-2015). É unha das directoras do proxecto Atlas  Linguístico do Brasil (ALIB); e unha das coordinadoras do eixe Contacto, variación e identidade do GT de Sociolingüística da Asociación Nacional de Posgraduación en Letras e Lingüística (ANPOLL). Como investigadora visitante, desenvolve no ILG actividades relacionadas co proxecto Atlas Toponímico de comunidades quilombolas do Pará: os hagiotopônimos.