Xoán Carlos Lagares

Son profesor asociado do Departamento de Letras Estranxeiras Modernas e investigador do Programa de Posgraduación en Estudos da Linguaxe na Universidade Federal Fluminense (UFF-Brasil), onde coordino a liña de investigación História, Política e Contato linguístico; son tamén subdirector do Núcleo de Estudos Galegos, froito dun convenio entre a UFF e a Xunta de Galicia, presidente da Asociación Internacional de Estudos Galegos (AIEG) (2024-2027) e coordinador da Comisión de Políticas Públicas da Associação Brasileira de Linguística (ABRALIN).

Investigo temas relativos á historia do español, do portugués e do galego, á norma lingüística e aos conflitos lingüísticos, desde unha perspectiva glotopolítica.

Coordinei o equipo brasileiro do proxecto de investigación internacional Galego e Português Brasileiro, resultado dun convenio entre o Ministerio de Educación (MEC) español e a Coordenação de Aperfeiçoamento do Pessoal de Nível Superior (CAPES) brasileira.