Xoán Carlos Goris García

Xoán Goris García (Moraña, 1996) graduouse en Lingua e Literatura Galegas na Universidade de Santiago de Compostela cursando o minor de Lingüística. Posteriormente realizou o Mestrado Interuniversitario en Lingüística Aplicada (USC, UDC e Uvigo) e o Mestrado Universitario en Profesorado de Educación Secundaria Obrigatoria e Bacharelato, Formación Profesional e Ensino de Idiomas na Universidade da Coruña.

O seu TFG tratou da recollida e posterior estudo da microtoponimia en Moraña en colaboración co proxecto Galicia Nomedada (RAG e Xunta de Galicia). Nos TFM traballou, respectivamente, na investigación sobre cambio lingüístico no galego, centrada no cambio de código e na acomodación lingüística dos falantes diante das cámaras de televisión, e na creación dunha proposta didáctica para o aproveitamento da lusofonía no ensino da lingua galega. O primeiro dos TFM recibiu en 2022 unha mención especial nos Premios á calidade lingüística dos traballos de fin de mestrado (USC - SXPL - SNL). 

A súa historia no ILG comezou coa realización das prácticas externas do MILA coas que traballou no CORILGA e, na actualidade, colabora no proxecto Contacto, cambio lingüístico e ideoloxía en contextos de minorización lingüística.