I Xeira CLARIAH-GAL

Data de inicio:

Thursday, May 2, 2024 - 09:00

Data de fin:

Thursday, May 2, 2024 - 19:45

CLARIAH-GAL é o nodo galego de CLARIAH-ES, infraestrutura dixital de investigación distribuída que forma parte, pola súa vez, das infraestruturas europeas de investigación CLARIN e DARIAH. O próximo 2 de maio terá lugar a súa primeira Xeira na Facultade de Filoloxía da Universidade de Santiago de Compostela co obxectivo de presentar o nodo galego e difundir as iniciativas de Humanidades Dixitais e de Tecnoloxías Lingüísticas para a investigación en Humanidades e Ciencias Sociais emprendidas en Galicia.

Ademais de conferencias e comunicacións por convite, durante o evento presentaranse pósters de proxectos, liñas de investigación, recursos ou grupos de investigación relacionados coas liñas temáticas da Xeira.

A asistencia é libre ata completar a capacidade da sala e non é preciso inscribirse.

Poster:

Sección

Presentación

CLARIAH-ES é unha infraestrutura distribuída de investigación constituída inicialmente por dez entidades de investigación españolas que están relacionadas pola súa particiación anterior na rede INTELE e a súa integración actual nas infraestruturas europeas de investigación para as Humanidades e Ciencias Sociais CLARIN e DARIAH.

CLARIAH-GAL é o nodo galego de CLARIAH-ES, impulsado polo Instituto da Lingua Galega e polo CiTIUS. O ILG participa desde o ano 2022 na infraestrutura de CLARIN, pois é un dos centros que constitúen o Spanish CLARIN Centre-K, que ofrece coñecementos e experiencias na utilización de tecnoloxía para a investigación en Humanidades e Ciencias Sociais.

O nodo galego desta infraestrutura organiza a I Xeira CLARIAH-GAL cos obxectivos de:

Presentar as infraestruturas de CLARIN e DARIAH, así como o consorcio CLARIAH-ES e o nodo CLARIAH-GAL.
Dar a coñecer os grupos de investigación, os proxectos, ferramentas e aplicacións tecnolóxicas existentes no ámbito das Humanidades Dixitais e das tecnoloxías lingüísticas aplicadas á investigación en Humanidades e Ciencias Sociais en Galicia.

Organización

Comité organizador

Francisco Dubert García (director, Universidade de Santiago de Compostela)
Vítor Míguez (secretario, Universidade de Santiago de Compostela)

Comité científico

María Álvarez de la Granja (Universidade de Santiago de Compostela)
Idalete Dias (Universidade do Minho, Portugal)
María José Domínguez Vázquez (Universidade de Santiago de Compostela)
Elisa Fernández Rei (Universidade de Santiago de Compostela)
Rufus Gouws (Stellenbosch University, Sudáfrica)
Besim Kabashi (Friedrich-Alexander-Universität Erlangen-Nürnberg, Alemaña)
Tinati Margalitadze (Ilia State University, Xeorxia)
Rogelio Nazar (Pontificia Universidad Católica de Valparaíso, Chile)
Xulio Sousa (Universidade de Santiago de Compostela)

Cronograma

5 de abril de 2024 - Data límite de presentación de propostas de póster
12 de abril de 2024 - Notificación de aceptación
2 de maio de 2024 - I Xeira CLARIAH-GAL

Submisións

Se queres presentar un póster do teu proxecto, liña de investigación, recurso ou grupo de investigación nesta xeira, convidámoste a enviar un resumo ata o 5 de abril de 2024 ao seguinte enderezo electrónico: ilgsec@usc.gal.

O resumo non deberá exceder as 500 palabras (excluíndo referencias bibliográficas) e deberá incluír o título e autoría do póster, así como a motivación, obxectivos, método ou resultados da contribución presentada. Os pósters deberanse presentar impresos en formato vertical tamaño A1 o día da Xeira. Tanto o resumo coma o póster poden estar redactados en calquera lingua románica ou en inglés.

Programa

I Xeira CLARIAH-GAL

2 de maio, salón de graos da Facultade de Filoloxía

Hora	Sesión
9:00 - 9:15	Inauguración
9:15 -10:15	Presentación de CLARIAH-ES e CLARIAH-GAL German Rigau (EHU/UPV) CLARIAH-ES: retos y oportunidades que ofrece la IA a las Humanidades Digitales
10:15 -11:15	Conferencia de Mikel Iruskieta (EHU/UPV) CLARIN-ERIC infraestructura de investigación digital para apoyar la investigación basada en recursos lingüísticos: datos, herramientas y servicios
11:15 - 11:40	Pausa café
11:40 - 12:50	Fátima Díez Platas (USC): Libros, imágenes y datos: el proyecto Biblioteca Digital Ovidiana Margarita Alonso (UDC): Recursos sobre escritura académica María José Rodríguez Malmierca (CESGA): Iniciativas de tecnoloxía educativa do Centro de Supercomputación de Galicia Coloquio
12:50 - 14:00	Vicente Feijoo (RAG): Galicia Nomeada: un recurso dixital para salvagardar e investigar a toponimia galega Débora González Martínez (CIRP): A base de datos BiRMED. Perspectivas sobre o seu desenvolvemento Laura Docío (UVigo): Tecnoloxías para a inclusión en lingua de signos: bases de datos, recoñecemento e tradución Coloquio
14:00 - 16:00	Pausa xantar
16:00 - 17:00	Conferencia de Adina Ioana Vladu (Proxecto Nós, USC) O corpus ParlaMint de discursos parlamentarios: un recurso lingüístico para a investigación en humanidades
17:00 - 18:00	Sesión de pósters
18:00 - 19:10	Conchi López Sánchez (Histagra): Terra e Memoria. Fontes para coñecer o pasado máis popular e agochado Martín Pereira (USC): IAT/ML e LogosLink: unha metodoloxía e unha ferramenta para a análise do discurso María Álvarez de la Granja e Elisa Fernández Rei (USC): Ferramentas e recursos lingüísticos do Instituto da Lingua Galega Coloquio
19:10 - 19:45	Clausura